ເຂດທ່ອງທ່ຽວ ເຊີ່ມເຊີນ (ແທງຮວາ) ຊຶ່ງປະກອບດ້ວຍບັນດາຊາຍຫາດທີ່ຍາວຢຽດ, ມີນຳ້ທະເລທີ່ສົດໃສ, ລະດັບ ຄວາມເຄັມຂອງນໍ້າພໍປະມານເໝາະ ກັບສຸຂະພາບຂອງນັກທ່ອງ ທ່ຽວ, ມີລະບົບຫໍໄຫ້ວ, ວັດວາຕ່າງໆ ຢູ່ເທິງພູ ເຈື່ອງເລ້ ທີ່ສະໜິດຕິດພັນກັບວັດທະນະທຳຈິດວິນຍານ ຂອງປະຊາຊົນຊາວເຂດທະເລ ພວມດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດມາທ່ຽວຊົມ ແລະ  ຜັກຜ່ອນເປັນຈຳນວນຫຼວງຫຼາຍ.


ຄວາມສວຍສົດງົດງາມຂອງທະເລ ເຊີ່ມເຊີນ

ມີຄວາມຍາວ 6 ກິໂລແມັດນັບແຕ່ທ່າເຮືອ ແລກເຮີຍ ເຖິງຕີນພູ ເຈື່ອງເລ້, ເຊີ່ມເຊີນ ເປັນບ່ອນທ່ອງທ່ຽວທີ່ມີ ຫາດຊາຍເປັນ ຄ້ອຍໆ, ຟອງນຳ້ໃຫຍ່, ເໝາະສົມກັບຮູບແບບຜັກຜ່ອນບໍາລຸງ​ ສຸຂະພາບໃນລະດູ​ແລ້ງ. ຕັ້ງແຕ່ສະໄໝຂຶ້ນກັບຝລັ່ງ, ເຊີ່ມເຊີນ ເປັນສະຖານ​ທີ່ທ່ອງ ທ່ຽວທີ່ມີຊື່ສຽງ​ໃນ ອິນດູຈີນ.
ຫຼາຍ​ທົດ​ສະ​ວັດ​ຕໍ່​ມາ, ບັນດາ​ຄະ​ລື​ຫາດ, ບ້ານ​ພັກ​ຕາກ​ອາກາດ​ຈໍານວນ​ຫຼາຍ​ຖືກ​ສ້າງ​ຂຶ້ນ. ເຈົ້າຊີວິດ ບາວດ້າຍ, ເຈົ້າຊີວິດຜູ້ສຸດທ້າຍຂອງລາຊະວົງ ຫງວຽນ ໄດ້ກໍ່ສ້າງວັງຫຼັງໜຶ່ງຢູ່ ເຊີ່ມເຊີນ​ ແຫ່ງ​ນີ້.

 ປະຈຸບັນ,  ອຳນາດການປົກຄອງທ້ອງຖິ່ນ ໄດ້ມີການລົງທຶນເພື່ອກໍ່ສ້າງພື້ນຖານໂຄງລ່າງ​ເປັນ​ເງິນ​ນັບ​ຫຼາຍຮ້ອຍຕື້ດົ່ງ. ຫລາຍວິສາຫະກິດ ແລະ ເອກະຊົນກໍ່​ໄດ້ລົງທຶນ ປັບປຸງ ປົວ​ແປງ​ຍົກ​ລະດັບ ຫລື ກໍ່ສ້າງບ້ານພັກ​ໃໝ່ເພື່ອຮັບໃຊ້ນັກທ່ອງ ທ່ຽວ. ຫຼາຍບໍລິການ ແລະ ລະບົບໂຮງແຮມທີ່ທັນ ສະໄໝ ໄດ້ເປີດນຳໃຊ້ ໃນລະດູການທ່ອງທ່ຽວປີ 2016, ສະນັ້ນ ຈຳນວນນັກທ່ອງທ່ຽວ ທີ່ມາທີນີ້ເພີ່ມສູງຂຶ້ນຢ່າງກະໂດດຂັ້ນ


ຕອນ​ເຊົ້າ, ​ເມື່ອ​ໄດ້​ຊົມ​ແສງ​ອາ​ລຸນ​ວັນ​ໃໝ່ສອດສ່ອງ​ລົງ​ມາ​ເທິງຫາດຊາຍເຊີ່ມເຊີນ ແມ່ນວິນາທີປະທັບໃຈທີ່ສຸດສຳລັບ ນັກທ່ອງທ່ຽວທີ່ມາຜັກຜ່ອນຢູ່ທີ່ນີ້. ນັ້ນ​ກໍ່​ຄື​ຊ່ວງ​ໄລຍະ​ທີ່​ແສງ​ພະ​ອາທິດຄ່ອຍໆ ປ່ຽນຈາກສີແດງອ່ອນມາເປັນສີເຫຼືອງ​ກະຈາຍ​ລົງມາຍາວ​ຢຽດ​ໄປ​ທົ່ວ​ຫາດ​ຊາຍ​. ນັກທ່ອງທ່ຽວສາມາດ​ເຊື່ອມ​ຕົວ​ເຂົ້າ​ໃນ​ວັງ​ນໍ້າທີ່​ເສາະ​ໄສ​ເຢັນ​ດີ, ພາຍ​ໃຕ້​ກະ​ແສ​ຟອງ​ກະທົບ​ໃສ່​ຕົນ​ໂຕ​ຢ່າງ​ມີ​ຄວາມສຸກ​ເມື່ອ​ວັນ​ໃໝ່​ມາ​ເຖິງ.

ນີ້ກໍ່ເປັນຊ່ວງໄລຍະທີ່ເຮືອຫາປາຂອງຊາວປະມົງ ເຊີ່ມເຊີນ ເຂົ້າທຽບຝັ່ງ ແລະ ວາງຂາຍສິນທະເລທີ່​ສົດໆ​ໃໝ່ໆ ຫຼາຍຊະນິດ. ນັກທ່ອງທ່ຽວສາມາດເລືອກຊື້ສິນທະເລສອງສາມຊະນິດ ແລ້ວ​ໃຫ້ຊາວປະມົງຢູ່ທີ່ນີ້ ຊ່ວຍປຸງແຕ່ງກັບທີ່ ແມ່ນຈະໄດ້ອາຫານ ຄາບເຊົ້າທີ່ໜ້າຈັບໃຈທີ່​ສຸດຢູ່ແຄມຝັ່ງທະເລ.

ຕອນແລງ ​ໃນ​ລະດູ​ແລ້ງ ຜູ້​ຄົນ​ມາທ່ຽງ​ ເຊິ່ມ​ເຊີນ​ ເໝືອນ​ປາງ​ບຸນ. ເທິງຫາດຊາຍຍາວ 6 ກິໂລແມັດ ເຕັມໄປດ້ວຍ ນັກທ່ອງ ທ່ຽວທີ່ມາອາບນຳ້ທະເລ.  ເພື່ອຮັບປະກັນຄວາມ​ປອດ​ໄພ ໃຫ້ແກ່ນັກທ່ອງທ່ຽວຍຸ​ທ່າ​ງອາບ ​ນໍ້າ​ຢ່າງ​ຕາມ​ໃຈ​ຊອບ, ອໍາ ນາດການປົກຄອງຢູ່ທີ່ນີ້ ໄດ້ຈັດ​ໃຫ້​ມີຫຼາຍໜ່ວຍກູ້ຊີບທັງຢູ່​ເທິງຫາດຊາຍ ແລະ ຢູ່​ໃນທະເລ. ດ້ວຍ​ນໍ້າ​ສຽງ​ອັນ​ໄສ​ແຈ້ງ​ຂອງ​ຜູ້​ປະກາດ​ໃນ​ລະບົບ​ໂທລະ​ໂຄ່ງ​ບັນດານັກທ່ອງ ທ່ຽວ ຈະໄດ້ຮັບການແນະນຳຢ່າງ​ລະອຽດວິທີອາບນຳ້ທີ່ ປອດໄພ ພ້ອມ​ທັງ​ຂໍ້​ມູນ​ຂ່າວສານ​​ກ່ຽວ​ກັບ​ການບໍລິການຕ່າງ ທີ່ສະດວກ ຫລື​ການ​ປະຊາ​ສໍາພັນ​ຊອກ​ຫາ​ຍາດ​ພີ່ນ້ອງ​ຫລົງ​ກັນ.

ຈຸດ​ທີ່​ມາ​ຮອດ​ມາ​ເຖິງ​ຂອງ​ການທ່ອງທ່ຽວ​ແຫ່ງ​ຈິດ​ວິນ​ຍານ
ເມື່ອ​ມາ​ເຖິງ ແທງຮວາ, ທ່ານຈະໄດ້ຮັບຟັງເລື່ອງ​ເລົ່າ​ສືບ​ກັນ​ມາ ສຸດ​ທີ່​ດີງາມ​ກ່ຽວ​ກັບ​ເມຍ​ຄອງ​ຄອຍ​ຖ້າ​ຜົວ​ກັບ​ຈາກ​ທະ​ເລຈົນກາຍ​ຕົວ​ເປັນ​ຫີນ. ນັ້ນ​ກໍ່​ຄື​ນິທານ ຮ່ອນວ້ອງຟູ (ກ້ອນຫີນຄອງຜົວ). ເລື່ອງເລົ່າວ່າ ມີແມ່ຍິງຄົນໜຶ່ງອູ້ມລູກຂຶ້ນຈອມພູ ໂຍ່ຍ ນັ່ງຖ້າຜົວ ກັບມາຈາກການຫາປາຢູ່ກາງທະເລ ຈົນເຖິງເວລາສອງແມ່ລູກ ກາຍເປັນຫີນ, ນຳ້ຕາຂອງນາງ​ ໄຫຼລົງມາກາຍເປັນສາຍພູ ເຈື່ອງເລ້. ອາດຈະແມ່ນ ຍ້ອນແນວນັ້ນ, ເທິງສາຍພູ ເຈື່ອງເລ້ ຈຶ່ງ​ໄດ້​ມີ​ລະບົບ​ຫໍ​​ໄຫ້​ວ, ວັດວາອາ​ຮາມ ແລະເຂດຮ່ອງຮອຍຫຼາຍແຫ່ງ ທີ່ກ່ຽວພັນເຖິງ ຈິດ​ວິນ​ຍານຂອງປະຊາຊົນຢູ່ເຂດທະເລ.
ໃນຈຳນວນເຂດຮ່ອງຮອຍດັ່ງກ່າວ ຫໍ​ໄຫ້​ວ ດົກເກືອກ (ຂາດຽວ) ທີ່​ຕັ້ງຢູ່ທາງທິດເໜືອຂອງສາຍພູ ເຈື່ອງເລ້ ​ແມ່ນ​ມີ​ຊື່​ສຽງ​ທີ່​ສຸດ​ແຫ່ງ​ຄວາມ​ສັກສິດ. ຊາວປະມົງຢູ່ ເຊີ່ມເຊີນ ຍັງຮັກສາເທບນິຍາຍ ທີ່ວ່າ ແຕ່ກີ້ແຕ່ກ່ອນ ມີຜູ້ຊາຍຄົນໜຶ່ງທີ່ແຂງແຮງ​ເໜືອ​ທໍາ​ມະ​ດາ​ໄດ້ແຍກຕົວອອກເປັນສອງສ່ວນ, ສ່ວນໜຶ່ງໄປຫາປານຳ ຊາວປະມົງ ແລະ ປາບ​ມານ​ຮ້າຍຢູ່ກາງທະເລ, ສ່ວນຍັງເຫຼືອຢືນຢູ່ ສົ້ນສາຍພູ ເຈື່ອງເລ້. ສະ​ນັ້ນ, ເພື່ອສະແດງ​ເຖິງຄວາມຮູ້ບຸນຄຸນ, ປະຊາຊົນຢູ່ທີ່ນີ້ ຈຶ່ງກໍ່ສ້າງຫໍ​ໄຫ້​ວຫຼັງໜຶ່ງ ທີ່ມີຊື່ວ່າ ຫໍດົກເກືອກ. ອີກດ້ານໜຶ່ງ,ເທບພະເຈົ້າ ດົກເກືອກ ຖື​ວ່າເປັນຕົວ ແທນຂອງດວງຈັນ, ສະນັ້ນ ຊາວປະມົງໄດ້ຈໍາລອງ ຮູບພາບ ເດືອນບໍ່ເຕັມດວງ ​ເພື່ອ​ສ້າງ​ແພ​ໄມ້​ເປັນ​ເຄື່ອງມື​ອອກ​ຫາປາ ຢູ່ທະເລ. ຊາວປະມົງຢູ່ທີ່ນີ້ ມີຄວາມເຊື່ອຖືວ່າ ກ່ອນ​ຈະ​ອອກ​ທະ​ເລຫາ​ປາ​ຄັ້ງ​ໃດເທບພະເຈົ້າ ດົກເກືອກ ກໍ່ຕາມ​ໄປ​ນໍາ​ເພື່ອ​ປົກ​ປ້ອງ​ຊາວ​ປະມົງ ຕໍ່ໜ້າ​ຄື້ນ ​ແລະ​ ພະຍຸ​ລົມ​ແດງ​ໃນ​ທະ​ເລ.

ຕາມການເວລາ, ຄວາມເຊື່ອດັ່ງກ່າວ ໄດ້ກາຍເປັນງານບຸນແບງໄຢ່-ແບງຈື໋ງ (ເຂົ້າໜົມປຽກປູນ-ເຂົ້າຕົ້ມ) ຊຶ່ງໄດ້ຈັດຂຶ້ນ ເປັນປະຈຳ ແຕ່ວັນທີ 11-13/5 ຕາມຈັນທະປະຕິທິນ ເພື່ອຂໍເທບພະເຈົ້າ ດົກເກືອກ ດົນບັນດານໃຫ້ຝົນຟ້າອາກາດ ອຳນວຍ. ງານບຸນຈັດຂຶ້ນພໍດີຖືກກັບລະດູການ ທ່ອງທ່ຽວ ທະເລ,ສະນັ້ນ ມັນກາຍເປັນຈຸດນັດໝາຍທີ່ຈັບໃຈສຳລັບນັກທ່ອງທ່ຽວ. 

ຕາມເສັ້ນທາງຂຶ້ນພູ ເຈື່ອງເລ້, ນັກທ່ອງທ່ຽວຍັງຈະ ໄດ້ແວ່ ຊົມຮ່ອນ ຈົງ-ໝາຍ, ຫໍໂກຕຽນ ແລະ ຫໍໂຕຫຽນແທ່ງ. ບໍ່ພຽງ ແຕ່ເທົ່ານັ້ນ, ບັນດາໂງ່ນຫີນທີ່ມີຮູບຊົງຕ່າງປະຫຼາດຢູ່ຕີນພູ ກໍ່ແມ່ນຫວ່າງເວຫາທີ່ເຕັມໄປດ້ວຍຄວາມເພີນຈິດສຳລັບນັກທ່ອງທ່ຽວອີກດ້ວຍ. 

Du lịch khám phá đất nước Lào giá rẻ

Khám phá đất nước Triệu voi
Trong chuyến du lịch, nếu có vấn đề cân liên hệ nhanh với công ty chúng tôi, bạn gọi điện theo số điện thoại sau:
Cách 1.Gọi đến SĐT tại Lào:+85. 620.225.45.777
(Trong đó: +85 là mã quốc gia Lào; 620.225.45.777 là số điện thoại)
Cách 2.Gọi đến SĐT tại Việt Nam:+84 165.972.60.68
(Trong đó: +84 là mã quốc gia Việt Nam; 165.972.60.68 là số điện thoại)
Lưu ý:

1. Đến cửa khẩu hoặc sân bay. Bạn mua SIM của nước sở tại để liên lạc.Trong trường hợp điện thoại của bạn hòa mạng quốc tế, bạn không cần mua thêm SIM

2.Theo lịch khởi hành, nếu số lượng khách dưới 10 người, chúng tôi sẽ không khởi hành Tour. Trong trường hợp này, Phananghong travel có trách nhiệm thông báo cho quý khách trước ngày khởi hành và trao đổi với quý khách về ngày khởi hành mới.

Nếu quý khách vẫn có nhu cầu đi đúng lịch, quý khách trao đổi với chúng tôi về những chi phí phát sinh chúng tối vẫn sẽ phục vụ tour.

Hàng Thái Lan nhập khẩu, bấm vào đây.

0 Comment :

Post a Comment